John Auka Gecheo uyobora CECAFA yatangaje ko muri CECAFA Kagame Cup izaba ku ya 20 Nyakanga - 04 Kanama 2024 muri Tanzania, bazatumira andi makipe 4 azaza kongera ubukana bw’irushanwa.

Mu itangazo ubuyobozi bwa CECAFA bwashyize hanze,bwavuze ko bwishimiye ko iri rushanwa ryagarutse ndetse rizafasha amakipe kwitegura neza umwaka w’imikino utaha by’umwihariko amarushanwa nyafurika ku makipe yatwaye ibikombe mu bihugu byayo.

Ubwo iri rushanwa riheruka muri 2021,Express FC yo muri Uganda yatsinze Nyasa Big Bullets yo muri Malawi yari umutumirwa igitego 1-0.Iri rushanwa ryari ryabereye i Dar Es Salaam muri Tanzania.

Uyu ni umwanya mwiza kuri APR FC yatwaye shampiyona wo kuzipima n’ibigugu nka Young Africans na Gor Mahia bategura kujya mu matsinda ya CAF Champions League.